Teitl y swydd:        Cyfrifydd Cymwysedig (ACA, ACCA, CTA)

Dyddiad cau:        31ain Hydref 2025

Lleoliad:                Porthaethwy a/neu Porthmadog

Cyflog:                   £35,000 – £45,000 y flwyddyn (yn seiliedig ar brofiad a chymwysterau)

Wrth i'n busnes barhau i dyfu rydym ni'n ehangu ein tîm

Cyfle i ddatblygu gyrfa 

Llwybr i fod yn Gyfarwyddwr

Dylanwad dros lwybr eich gyrfa

Cyfle i arbenigo mewn maes o’ch dewis

Mae angen unigolyn sydd â’r nodweddion isod arnom ni:

• Rhinweddau arweinyddol.
• Y gallu i reoli prosiect, a bydd disgwyl i chi gyflwyno syniadau newydd.
• Y sgiliau i helpu i roi cyngor i bortffolio o gleientiaid, ac i ymdrin â nhw’n uniongyrchol.

Mae hi’n adeg gyffrous i ymuno â ni. Drwy ddefnyddio’r dechnoleg ddiweddaraf, ein nod yw darparu gwaith o’r ansawdd gorau posib, ac ennyn ymddiriedaeth ein cleientiaid. 

Rydym yn ymfalchïo yn ein henw da fel man busnes o safon, sy’n cynnig y cyfleoedd gorau posib i’n staff, a digonedd o amrywiaeth wrth iddynt ddatblygu eu gyrfa. Mae ein staff yn bwysig i ni.

Drwy ymuno â ni, byddwch yn gweithio mewn awyrgylch sy’n eich ysbrydoli, lle bydd gennych lais yn y broses o ddylunio a ffurfio dyfodol y practis.

Cewch brofiadau gyrfa eithriadol, a’r cyfle i ddarparu gwaith o’r ansawdd gorau posib ynghyd â chyfle i symud ymlaen yn y cwmni.

• Oriau – dydd Llun i ddydd Gwener (36.25 awr) – oriau gweithio hyblyg yn bosib.
• Gwyliau – 28 diwrnod yn ogystal â gwyliau banc.
• Pensiwn gweithle hael.
• Cynllun iechyd.